Լուրերի պահոց
«ՎԱԵԼԿՈՆ» ՍՊ Ընկերությունը, Հայկական Բարեգործական Ընդհանուր Միություն (ՀԲԸՄ) շահույթ չհետապնդող կազմակերպության բարեգործական ծրագրին կից, իր հերթական աշխատանքային գործունեությունն է ծավալել Մայր Աթոռ Սուրբ Էջմիածնում. «Մոմավառության մատուռներ և դամբարանի» ջեռուցման, օդափոխման-օդորակման (HVAC) համակարգերի նախագծի շրջանակներում իրականացնում է սարք-սարքավորումների մատակարարման, չժանգոտվող պողպատից օդատարների արտադրության և ընդհանուր շինմոնտաժային աշխատանքներ: Աշխատանքները կրում են ոչ ստանդարտ բնույթ և, ինչպես միշտ, մեր մասնագետների կողմից իրականացվում են գերագույն աչալրջությամբ:
Ինչպես արդեն հայտնի է բոլորիս, «ՎԱԵԼԿՈՆ» ՍՊ Ընկերությունը զբաղվում է Գ. Սունդուկյանի անվան ազգային ակադեմիական թատրոնում ընթացող կաթսայատան վերազինման աշխատանքներով: Շինարարական և վերանորոգման աշխատանքներին ծանոթանալու համար նոյեմբերի 19-ին Գ. Սունդուկյանի անվան ազգային ակադեմիական թատրոն է այցելել ՀՀ ԿԳՄՍ նախկին նախարար Արայիկ Հարությունյանը, նախարարի տեղակալ Արա Խզմալյանի ուղեկցությամբ: Նրանք հանդիպում են ունեցել «ՎԱԵԼԿՈՆ» ՍՊ Ընկերության գլխավոր տնօրեն Հովհաննես Չոլախյանի և թատրոնի տնօրեն Վարդան Մկրտչյանի հետ: Ներկայացվել են թատրոնում ընթացող շինարարական և վերանորոգման աշխատանքները, որոնց շրջանակներում վերակառուցվում է թատրոնի կաթսայատունը:
«ՎԱԵԼԿՈՆ» առևտրա-շինարարական ընկերությունը ծավալուն աշխատանքներ է սկսել «Զանգեզուրի Պղնձամոլիբդենային Կոմբինատ» ՓԲ Ընկերության արտադրական տարածքներում. կազմակերպվում է փոշեզտման ասպիրացիոն համակարգերի ներդրման նախագծման պրոցեսի համակարգում, ֆիլտրացիոն համապատասխան սարքավորումների և գազատարների, օդափոխիչների, կոմպրեսորային կայանների մատակարարում և շինմոնտաժային աշխատանքների իրականացում:
«ՎԱԵԼԿՈՆ» ՍՊ Ընկերությունը սկսել է նոր նախագծի իրականացում: Գաբրիել Սունդուկյանի անվան ազգային ակադեմիական թատրոնում ընթանում են կաթսայատան վերազինման աշխատանքները. կաթսաների և համալրող սարքերի, կաթսայատան օդափոխության և ծխագազերի հեռացման համակարգերի սարքավորումների մատակարարման փուլը ընթացքում է, սկսված են ապամոնտաժման, շինարարական և մոնտաժային նախապատրաստական աշխատանքները:
